Location

Elgoibarko Kross Herrikoiaren Araudia- 2010

Elgoibarren, 2010eko Irailaren 11an egingo den krosa.

• Lasterketa herrikoi hau herri barruan egingo da,  7km-ko zirkuitu batean. Irteera ordua 20:00ean izango da, eta lasterketa Foruen plazan hasi eta bukatuko da.
• Lasterketan 16 urtetik gorako pertsona guztiek parte hartu ahal izango dute, hau da, 1994 urtean edo urte hori baino lehenago jaio direnek.
• Lasterketan parte hatu ahal izateko, izena eman beharko da irailaren 6a, astelehena, baino lehen (egun hori barne). Izena emateko 12 € ordaindu beharko dira. Lasterketa egunean bertan posible izango da izena eman 15€ ordainduta. 300 atletarentzako lekua izango da.
• Izena www.mintxeta.com webgunean eman beharko da. Bertan,  www.turesultado.com  edo www.herrikrosa.com webgunerako zuzeneko  esteka jarriko da. Eskatutako datu guztiak eman beharko dira bertan.
• mintxeta@mintxeta.com helbide elektronikoan ere izena eman ahal izango da.
• Dortsalak eta txipa irailaren 10ean, ostirala, jaso ahal izango dira lasterketaren karpa ofizialean (Leku-Eder parkea), 18:00etatik 20:00etara bitartean. Dortsalak eta txipa lasterketaren egun berean ere jaso ahal izango dira (Foruen plaza) 18:00etik aurrera, eta 20:00ak arte.
• Ezinbestekoa izango da txipa dortsalaren barruan sartzea, eta helmuga igaro bezain laster itzultzea.
• Mailak:
  • Juniorrak:  16 urtetik 20 urtera (1994 eta 1990 urteen artean jaiotakoak, biak barne).
  • Seniorrak: 21 urtetik 40 urtera (1989 eta 1970 urteen artean jaiotakoak, biak barne).
  • Beteranoak: 41 urtetik aurrera (1971n eta aurreko urteetan jaiotakoak)
• Irabazle absolutuei, bai gizonei, bai emakumeei, garaikurra eta txapela emango zaizkie. Maila bakoitzeko lehenengo hirurei ere garaikurrak emango zaizkie.
• Partehartzaile guztiei lasterketa gogorarazteko elastiko tekniko bat emango zaie opari. Horretaz gain, korrikalariek produktuz betetako poltsa bat jasoko dute, helmuga zeharkatu bezain laster, txipa itzuli ostean.
• Sariak banatu ondoren, produktu gehiago zozketatuko dira partaide guztien artean. Saria jaso ahal izateko, korrika egiteko erabili den dortsala aurkeztu beharko da.
• Lasterketan parte hartu duten guztiak Olaizaga kiroldegian dutxatu ahal izango dira.
• Izena eman duten atleta guztiek istripu-aseguru bat izango dute. Aseguruaren gastuak antolatzaileek ordainduko dituzte.

• Proba honetan parte hartzeagatik bakarrik, araudi hau onartu beharko da.

• Araudi honetan aurreikusi ez diren gauza guztietarako IAAFren araudian ezarritakoa izango da kontuan.

Informazio gehiago / Más información: www.mintxeta.com

ARGAZKIAK / FOTOS [2010]