Location

Araudia:
          AZKOITIKO VI. HERRI LASTERKETA                                                   

-        Azkoitia-Azpeitia Raka Maraton Kirol Elkartea klubak azaroaren 27an arratsaldeko 16:30ean egingo den lasterketa antolatu du. Lasterketa Azkoitiko Herriko enparantzan hasi eta amaituko da.

-        Lasterketako ibilbidea Azkoitiko kaleetan zehar egingo da. Zirkuituari bira txiki bat eta bi handi eman beharko zaizkio probaren 10 kilometroak egiteko.

-        Parte-hartzaileek gutxienez 16 urte izan behar dituzte, 2010/11/27 baino lehenago beteak.

-        Herri-lasterketaren antolakuntzak Erantzukizun Zibileko asegurua du, parte-hartzaileek hirugarrenei eragin diezazkieketen kalteei erantzuteko asegurua barne. Horrez gainera, Istripu Asegurua ere badu, parte-hartzaile guztientzat. Ofizialki izena emanda dauden parte-hartzaile guztiak estaliko ditu antolakuntzak hitzartu duen aseguru-poliza horrek, eta lasterketaren ondorio zuzen diren istripuak estaliko ditu; polizak, baina, ez ditu estaliko ezkutuko pairamen edo akats, arduragabekeria edo oharkabetasunetik eratorritako kalteak, ez eta lekualdaketetan gertatutakoak ere.

-        Mediku-zerbitzua Gurutze Gorriak emango du. Bi anbulantzia egongo dira; bat helmugan eta bestea, berriz, lasterketa ixten.

-        Kronometrajea egiteko CHAMPION CHIP txip bidezko kontrol-sistema erabiliko da. Txipa zenbakiarekin batera jasoko du korrikalari bakoitzak, eta zenbakia eta txipa nahitaez eraman beharko ditu. Zenbakiak eta txipak lasterketaren egunean berean emango dira, 13:15etik 16:10era bitartean, eta jaso ahal izateko egiaztagiria erakutsi beharko dute (NANa, gidabaimena, pasaportea...).

-        Izena emateko 10 € ordaindu beharko dute beren CHAMPION CHIP txipa (txip horia) dutenek, eta 12 € txipa alokatu behar dutenek. Ordainketa bankuko zor-txartelaren bidez egingo da izena ematen den unean bertan. Lasterketaren egunean bertan ere izena eman daiteke, lasterketa hasi baino ordubete lehenago arte. Hala egiten dutenek 13 € ordaindu beharko dute beren txipa badute, eta 15 € txipa alokatu behar badute.

-        Atletak egiaztatu beharko du zerrendan bere izenaren ondoan izen-ematea “ordainduta” duela ageri den ala ez. Internet bidez ordaintzeko azken eguna azaroaren 23a izango da. Hala egiten ez badute, parte-hartzaileek lasterketaren egunean ordainketaren egiaztagiria aurkeztu beharko dute, edo izen-ematearen prezioa lasterketaren egunean bertan ordaindu.

-        Izen-ematea toki hauetan egin ahal izango da: Azkoitiko Elkargunea (Zubiaurre), Azpeitiko Aradi Kirolak, Donostiako Robers eta Zarauzko NereSport kirol-dendetan. Internet bidez izena emateko aukera ere badago, kirolprobak.com eta rakamaraton.com helbideetan.

-        Trofeo eta oparia emango zaizkie kategoria bakoitzeko lehen klasifikatuei. Parte-hartzaileei oroitzapenezko Adidas elastiko teknikoa emango zaie opari (dauden elastikoak bukatu arte), eta opariak zozketatuko dira guztien artean (Polar erloju pultsometroa, Adidas 2 pare zapatilak, atletismoko 30 Asics praka motzak, JVC Bideo kamera, Canon argazki kamera, botilategiak, sagardoa, ...).

-        Parte hartzaileek, nahi izanez gero, Elkargune Kiroldegiko aldagelak eta dutxak erabili ahalko dituzte; helmugatik 150 metrora dago kiroldegia.

-        Proba bukatzeko ordua dago: 17:40an itxiko da. Araudi honetan jasotzen ez den orotarako, Gipuzkoako Atletismo Federakundekoa jarraituko da.

•Sariak:

RAKA MARATON / 692708684 / AGUSTIN GARCIA

Informazio gehiago / Más información: www.rakamaraton.com

SAILKAPENA / CLASIFICACIÓN [2010]